Mae’r gorsafoedd trên ar hyd Rheilffordd Dyffryn Conwy yn fannau delfrydol i ddechrau darganfod gwir harddwch gogledd Cymru. Mae’r rheilffordd yn dechrau yn nhref glan môr hardd Llandudno ac yn gorffen yng nghanol y mynyddoedd ym Mlaenau Ffestiniog – ac mae yna sawl taith y gallwch chi ei chychwyn – a’i gorffen – o unrhyw un o’r gorsafoedd ar hyd y lein.
Dyma ychydig o’n hoff lwybrau cerdded a fydd yn rhoi cyfle i chi fwynhau gweithgareddau arfordirol traddodiadol yn ogystal â gweld golygfeydd ysblennydd o Eryri.
Rydym ni wedi amlinellu sawl atyniad diddorol y gallwch chi eu mwynhau ar hyd eich taith gerdded, fel nad ydych chi’n colli allan ar unrhyw beth – o leoliadau hanesyddol a diwylliannol i drysorau cudd sy’n hawdd eu methu. Beth am ddefnyddio ein mapiau o’r llwybrau cerdded i ddysgu mwy am y llefydd diddorol y gallwch chi eu darganfod.